Ibilbidea

Singapurrerainoko hegaldia–Port Moresby–Wewak–Kairiru uhartea–Pagwi–Swagap–Yesan Mayo–Tangujamb–Ambuti–Yamok–Palimbre–Kanganaman-Aibom–Chambri lakua–Kamanimbit–Tambanum–Kambaramba–Bogia–Manang uhartea–Madang–Kranket uhartea–Madang–Port Moresby.

Zenbait datu interesgarri

Berriro ere azpimarratu egin behar dugu guretzat oso garrantzitsua den esaldi hau, behar bezala irakurri eta dioena ondo ulertzeko: herrialde honetan dauden azpiegiturak oso urriak dira, beraz, ibilbideak jarrera positiboa eta pazientzia handia eskatzen du, ibilbide osoan zehar.

Bidaia honek bi zati ditu, erabat ezberdinak: lehendabizikoa eta garrantzizkoena Sepik ibaiari egindako bisita da, eta bigarrena Ozeano Barea edo Pazifikoko kostaldea bisitatzea.

Lehen zatian, Sepik ibaiaren goiko aldetik abiatuta, 8 egunez ibaian zehar nabigatuko dugu, ibaietako urek Bismarck itsasoarekin bat egin arte. Egunero, 3 eta 6 ordu arteko nabigazio-aldia izango dugu.

Zulatutako enborretan eraikitako piraguak, karelez kanpoko motorrekin, eta bizkarraldea duten aulkiekin, erabiliko ditugu.

Egunero hainbat eta hainbat herrixka bisitatuko ditugu, eta oinarri-oinarrizko ostatuetan egingo dugu lo, baita bertako etxeetan ere. Herrixka horietan, guztira 4 “sing sing” edo jaialdi folkloriko ezagutuko ditugu.

Behin kostaldera iritsita, ostatu hobeagoak izango ditugu eta urak alde batera utzi eta errepidez ibiliko gara. Pare bat uharte bisitatuko ditugu, eta bertan snorkel kirola egin ahal izango dugu, itsasoko uretako aberastasunaz gozatzeko.

Maiatza oso hilabete egokia da eskualde hau bisitatzeko, ez du ia-ia euririk egiten, baina klima tropikalak bidaia zaildu egiten du.