- Castellano
- Català
- Euskara
- BARCELONA 93 318 96 00
- BILBAO 94 435 51 19
Japonia
Tradizioaren
eta etorkizunaren artean
eta etorkizunaren artean
Japonia
Tradizioaren
eta etorkizunaren artean
eta etorkizunaren artean
Denok daukagu Japoniari buruzko irudiren bat buruan, antzinako geishen eta tradizioen imajinak gogora ekartzen dizkiguna edota zientzia fikziozko filmetako balizko etorkizuneko mundura garamatzana. Horixe da, hain zuzen ere, gaurko Japonia: tradizioaren eta modernitatearen arteko gurutzaketa perfektua.
Bisitariak maitemindu ohi dituen herrialdea da Japonia: naturaren edertasunaz, arkitektura-ondare aberatsaz edota tradizio handiko gastronomiaz gozatu nahi dutenak, esaterako. Halere errealitateak gainditu egiten du buruan eduki genezakeen imajina. Japoniak etengabe harrituko gaitu, antzinako tradizio aberatsei eusten jakin izan duen kultura bitxia, bakarra, duelako.
Honshu uhartea bisitatu, esaterako, eta Japoniako aurpegietako batzuk ikustea, iragana, oraina eta etorkizuna ederki uztartzen dituen herrialde harrigarri honetan. Tokio liluragarrian helduko diogu ibilbideari, egungo Japoniako gizartearen kontradikzioak ezagutzeko aproposa. Gero Japoniako santutegi ederretako batzuk biltzen dituzten eta oinez egiteko oso egokiak diren Nikkoko baso zabaletan ibiliko gara. Handik bost lakuko eskualdera joko dugu, Fuji mendi mitikoaren oinetan, lainoek uzten badigute, mendi horren itxura liluragarria ikusi ahal izateko. Uhartearen erdialdera joko dugu ondoren, “Japoniako Alpeetara” hain zuzen ere, naturaz eta herri txiki eta antzinako probintzia-hiriburuetako shogun eta samuraien garaietako pasaien edertasunaz gozatzeko. Ondoren hegoalderantz egingo dugu, lehenengo Kumano eskualdea bisitatzeko, milaka erromesaldi-bidek osatutako sare batek zeharkatutako basoetan barrena ibiltzeko eta, jarraian, Koya-San aldera, Japoniako monasterio zaharren multzorik handiena ikusteko. Hor gauez hilerria bisita daiteke, iluntasunean itxura bereziko. Gero, “ziztu biziko trena” hartu eta barne itsasoko uharte batzuk bisitatuko ditugu, Miyajima ospetsua eta haren hiri nagusiak, esaterako. Aurrerago bigarren mundu gerratean zoritxarrez hain ospetsu bilakatu zen Hiroshima hiria ezagutuko dugu, baita Himeji hiria ere. Eta handik iragan aberatsa duen eta egun kultur hiriburua den Kiotorantz abiatuko gara, ekialdeko herrialde zoragarri horri “hurrengora arte” esateko.
Interesguneak
• Tokio, Japoniako megalopolia • Nikko, santutegi aberatsak eta baso ederrak • Fuji mendi mitikoa • Tsumago eta Magome herri ikusgarriak • Mendiko paisaiak Japoniako Alpeetan • Shirakawa Goko etxe bitxiak• Iseko santutegi sakratua • Koya-San herriko monasterioak • Kumano Kodoko erromesaldi-bide zaharrak • Kioto: antzinako inperioko hiriburuaren altxorrak • Narako Todai-ji tenplua, Japongo Budarik handiena gordetzen duena • Himejiko gaztelu ederra • Hiroshima, sarraskiaren oroimena, hunkigarria • Miyajima uharte ikonikoa • Barne itsaso lasaia
Ibilbidea
Tokiorainoko hegaldia–Nikko–Fuji mendia–Tsumago–Takayama–Japoniako Alpeak–Shirakawa Go–Ise–Kumano Kodo–Koya-San–Nara–Hiroshima–Himeji–Kioto.
Zenbait datu interesgarri
Autobusez (airea girotzeko teknologiarekin) ibiliko gara, Tokiotik Nararaino. Nara-Hiroshima, Hiroshima-Himeji eta Himeji-Kioto tarteetarako trena erabiliko dugu. Turista mailako hoteletan eta Japoniako hotel tradizionaletan egingo dugu lo. Banoako gidaria.
Prezioaren Barruan
- Tokiorainoko hegaldi erregularra, haranzkoan, itzulera Kiototik.
- Aireportu eta hotelen arteko joan- etorriak.
- Tokio- Nara tarterako autobus pribatu txikiko garraioa, (8 egun).
- Nikko bisitatzeko trena eta autobus publikoa.
- Nara- Hiroshima eta Hiroshima- Himeji eta Kioto tarteetarako tren- garraioa.
- Naoshima eta Miyajimarako txalupa- garraioa.
- Tokio, Nikko,Kawaguchi, Takayama, Ise, Nagoya, Kumano Kodo, Nara, Hiroshima, Himeji eta Kioto hirietan, turista- maila hoteleko egonaldia, lo egitea eta gosaria barne, birentzako logeletan bainugelarekin (ikusi oharra Alojamenduaren atalean Baldintza orrian).
- Magome, Hirayu Onsen (maiatza) eta Koya- San herrietan, hotel tradizionaletan lo egitea.
- Bidaiako asistentzia- asegurua.
- Eskupekoak* (ikus oharra baldintza- orrian).
- Banoako gidaria.
Preziotik Kanpo
- Otorduak.
- Kultur etxe, teleferiko museo eta monumentuetarako sarrerak.
- Aire- tasak.
- Baldintza- orrian zehaztu gabeko eskupekoak.
- “Prezioaren barruan” atalean zehaztu ez den beste edozein kontzeptu.
Taldea: 8 eta 16 pertsona artekoa + gidaria.
Irteerak: Bilbo, Madril eta Bartzelonatik.
Prezioa : 4.960 € + aire tasak*
*Kontsultatu tasak gure bulegoetan.
Klikatu mapan, mapa handitzeko
