- Castellano
- Català
- Euskara
- BARCELONA 93 318 96 00
- BILBAO 94 435 51 19
Venezuela
“Mundu galdua”
Venezuela
“Mundu galdua”
Venezuelan bidaiatzea ez da inoiz lan erraza izan, baina beti pentsatu izan dugu ahaleginak merezi duela, eta itzultzeko garaia iritsi dela uste dugu. Herrialde ikusgarria delako, ikaragarrizko natura duena, nahiz eta naturagune hauetara iristeko eta haietaz gozatzeko zailtasunak egon. Are gehiago une hauetan, ia geldiarazita dagoen herrialde honetan.
Gaur egun ez da erraza herrialde barruan mugitzea, azpiegiturak, oro har, oso hondatuta baitaude, ez dago barruko hegaldi askorik, eta dena oso aldakorra izaten ari da. Hala eta guztiz ere, Venezuelako natura ikusgarriaz gozatzeko ibilbide hau proposatzen dizuegu, kontrastez beteriko herrialdean, non bere aniztasun naturalaren aberastasuna, Andeetatik Kariberaino, bidaiaren ildo bihurtzen den.
Caracasetik Henry Pittier Parke Nazionalera bidaiatuko dugu, Venezuelako Karibean. Ondoren Llanos aldera abiatuko gara: ordoki edo lautada zabal-zabalak, bertako fauna ikusteko behatoki ezin hobeak. Andeen bihotza den Sierra Nevada mendizerrarantz jarraituko dugu. Merida eta Andeetako basamortuko lurrak ikusi ondoren Maracaibo lakura hurbilduko gara, bertan Catatumbo izeneko fenomeno naturalaz gozatzeko. Mochima Parke Nazionala bisitatuko dugu, bere ur gardenekin, Orinokoko delta eta, amaiera paregabe gisa, Canaima Parke Nazionala zain edukiko dugu, bertako Tepuy magikoekin, ibai jariotsuekin eta ur-jauzi itzelekin, Salto Angel ospetsua besteen artean gailentzen dena.
Zalantzarik gabe ustekabean harrapatu gaituen bidaia trinkoa eta edukiz beteta, baina aldi berean gugandik gure izpiritu bidaiari guztia eskatuko diguna.
Interesguneak
• Mochima Parke Nazionala • Canaima P.N., non milaka urteko Tepuy-en artean nabigatuko dugun • Salto Angel ur-jauzia, egun osoko nabigazio aldiaren ostean ikusiko duguna • Andeetako Merida, hiri koloniala • Sierra Nevada Parke Nazionaleko Los Nevados • Orinokoko eremu lauak, non lautadako biztanlea kaimanekin, anakondekin, izurdeekin… elkarrekin bizi dena • Henry Pittier P.N.: kakao-plantazioak, hondartzak eta ibaiak • Orinokoko delta eta bertako biztanleak, warao etniako indioak.
Ibilbidea
Caracaserainoko hegaldia – Henry Pittier P.N. – Baninas – El Cedral hatua – Calderas – Mérida – Los Nevados – maracaibo lakua – Mochima P.N. – Orinokoko delta – Puerto Ordaz – Canaima P.N. – Salto Angel – Caracas.
Zenbait datu interesgarri
Ibilbide osorako ibilgailu pribatuak erabiliko ditugu. Barruko hegaldiak: El Vigia–Caracas, Caracas–Cunama, Puerto Ordaz–Canaima eta Canaima–Caracas. Hotel, ostatu eta kanpaleku turistikoetan egingo dugu lo eta 2 gau hamaketan. Banoako gidaria.
Prezioaren Barruan
- Caracaserainoko hegaldi erregularra, joan–etorria.
- 4 barne hegaldi: El Vigia–Caracas, Caracas–Cunama, Puerto Ordaz–Canaima eta Canaima–Caracas.
- Aireportu eta hotelen arteko joan–etorriak.
- Ibilbide guztirako ibilgailu pribatuetako garraioa.
- Hoteletan, ostatuetan eta kanpaleku turistikoetan lo egingo dugu, birentzako geletan eta gosaria barne (19 gau).
- Salto Angel eta Catatumbon bertako akanpalekuetan ostatu hartuko dugu, hamaketan lo eginez (2 gau).
- Pentsio osoa ibilbidearen 7 egunetan zehar (ikus oharra baldintza–orrian).
- Canaima P.N. bisitatzeko sarrera.
- Canaima aintziran txangoa.
- Canaiman, Salto Angel ur–jauzia bisitatzeko espedizioa, “curiara” izeneko ontzietan garraiatuz, bertako gidari eta materialekin.
- Orinokoko deltan, txalupetako joan–etorriak eta txangoak barne daude.
- El Cedral hatuan safaria.
- Maracaiboko lakuan gaueko txangoa.
- Chuaoko txalupaz eginiko irteera.
- Mochima Parke nazionaleko txalupaz eginiko irteera.
- Bidaiako asistentzia–asegurua.
- Eskupekoak* (ikus oharra baldintza–orrian).
- Banoako gidaria.
Preziotik Kanpo
- “Prezioaren barruan” atalean zehaztuta ez dauden otorduak eta edariak.
- Museo eta monumentuetarako sarrerak.
- Aire–tasak.
- Baldintza–orrian zehaztu gabeko eskupekoak.
- “Prezioaren barruan” atalean zehaztu ez den beste edozein kontzeptu.
Iraupena : 23 egun.
Taldea: 8 eta 14 pertsona artekoa + gidaria.
Egunak: Ekainaren 7tik 29ra.
Irteerak: BIO, MAD eta BCNtik.
Oharra : Kontsultatu beste irteera-puntu batzuk.
Prezioa : xxxx € + aire tasak*.
*Kontsultatu tasak gure bulegoetan.
Klikatu mapan, mapa handitzeko
