Trekkinga
Wadi Rum basamortuan

[Jordania]

Mendetan zehar ehunka gameluk osatutako karabanek Wadi Rum basamortua zeharkatu izan zuten, Arabiako penintsulatik eta itsasotik ekarritako intsentsu, mirra, urre eta tela preziatuak garraiatzen, ondoren nabateoen antzinako hiria zen Petran saltzeko. Merkataritzako ibilbide historiko hori, naturaren aldetik milaka urtetan oso gutxi aldatu dena, oinez zeharkatzeko proposamena egin nahi dizugu, Gizateriaren Ondarea den Rum basamortuko arroilak, dunak eta hareak eta hareazko eta granitozko mendi ikusgarriak tartekatzen dituen Ekialde Ertaineko paraje natural zoragarri batean. Sei egunez Jordaniako beduinoen lurralde honetan zehar, oinez, zeruaren handitasunean eta hain urruti ez dagoen iragan bateko lekuko mutuak diren naturak sortutako harrizko irudi harrigarrien eta haitzuloetako pinturen artean. Eta gauez, ikuspegi zoragarriak dituzten parajetan kanpatuko dugu, eta Um Ad Dani (1.854 m) jebbel-era igoko gara, herrialdeko mendirik altuenera, Wadi Rum basamortuarekiko 360 graduko bista edo ikuspegi ikusgarriak eskainiko dizkigun tontorrera, hain zuzen ere. Bidaia amaitu aurretik, hiru gau emango ditugu Petra hirian, nekropoli handi horretan harkaitzezko altxorrak ikusi eta inguruez gozatzeko. Bertan izango dugu Aaron jebbel ikusgarrira igotzeko aukera, legendaren arabera Bibliako Moisesen anaia lurperatuta dagoen mendia dena.