Zeharkaldia Andeetako bihotzean, Huayhuash mendikatea

Peru

Andeak, Amerika kontinenteko benetako bizkarrezurra, gure planetaren geografia ondo ezagutu nahi duten mendizale eta bidaiari ororentzako ezinbesteko erronka. Milaka kilometroko luzeran, paisaia eta kulturen aniztasuna erakusten digu, baina agian zatirik biziena edo interesgarriena Peruko lurrak zeharkatzen dituena izango da. Horregatik, gure bidaietan ohikoa den ibilbide bat eskaintzen jarraitzen dugu: Huayhuash mendikateko zeharkaldia, askoren iritziz Andeetako zeharkaldirik ederrena eta aldapatsuena. #Lima hiriburura iritsi eta hortik Andeen bihotzean dagoen Huaraz herrirantz joko dugu. Huaraz horretatik abiatuta, eta mandazain batzuek lagunduta, Huayhuash Mendikatean eta inguruko lurretan zehar ibiliko gara hamabi egunez, eta bidean mendikate horretako paisaia ederrenak bisitatzeko aukera izango dugu. Alpamayo eta Huascaran mendigailurrak, Santa Cruz arroila, Llanganuco lakuak... izango dira bide ondoan ikusiko ditugunetako batzuk. Mendikatea ondo ezagutu nahi dutenentzat oso interesgarria da trekking hau, zoritxarrez hain ezezaguna den zeharkaldia egiteko bidea eskaintzen du eta. Eta oinezko ibilbidea egin ostean Limara itzuliko gara, hiriburuko kultur ondarea ezagutzeko tartea egiteko. Banoako gidari bat izango dugu gurekin bidaia osoan.