Interesguneak

• Khunjerab pasabidea, Txina eta Pakistan arteko muga ikusgarria • Kailash, Tibeteko bihotza, mitikoa eta espirituala • Hunza bailara eta Karimabad: Baltistan mitikoa, Tibeteko islamaren topagunea • Tholing eta Tsaparang: Guge erresumako antzinako hiriburuko arkeologi guneak • Karakorum autobidea (ingelesez, “Karakorum Highway” edo “KKH”): munduko nazioarteko errepiderik altuena • Kashgar, karabanen ibilbideko eta Erdiko Asiako etnien (uigureak, tayikoak, kirgisak…) elkargunea • Batura eta Hopar, glaziar-kopururik handien biltzen duen lurraldean gaudela konturatzeko (polotako eremuak alde batzera utzita, jakina) • Chilas, 8.125 m-ko Nanga Parbat gailurraren oinetan • Katmandu eta Katmandu bailara: Swayambunath eta Bodinath-eko estupak; Patan eta Bakhtapur; Thamel-eko giroa; Pashupatinath... • Passu eta bertako ingurune ikusgarria •  Nuwakot, newari etniaren arkitektura Himalaiako gailurren azpian • Shimshal: goi-mendietako larreak eta pamirien kultura • Islamabad-Rawalpindi, Grand Trunk ibilbide historikoan: monasterio eta gotorleku zaharrak.

Ibilbidea

Katmandurainoko hegaldia –Bakhtapur –Nuwakot –Kyirong –Saga –Pariyang –Manasarovar lakua–Darchen –Moincer –Tsada –Gar –Doma –Shaidullah –Yarkand –Kashgar –Tashkurgan –Passu –Shimshal –Karimabad –Chilas –Fairy Meadows –Naran –Islamabad.

Zenbait datu interesgarri

Zeharkaldi hau Asiako kontinentean zehar egin daitekeen ibilbide ikusgarri eta aberatsenetakoa bat da, inolako zalantzarik gabe. Himalaiako eta Karakorumeko mendebaldeko paisaia erraldoi eta ikusgarrien artean, eta atzean edertasun lehor eta basatiaren indar biziz. Eskakizun handiko programa: 9 egunez 4.000 m-tik gorako bideetan zehar ibiliko gara. Bisitari gutxi jaso ohi dituzten eta azpiegitura gutxi dituzten tokiak ezagutuko ditugu, baina lasai, errepideen kontserbazio-egoera onargarria da eta autobus txiki bat izango dugu garraiobide, Katmandu-Kyirong arteko tartean eta bisita batzuetan izan ezik, halakoetan bertako 4x4 motako ibilgailuak erabiliko baititugu. 

Hotel eta ostatuetan, batzuetan oinarrizkoak, egingo dugu lo. Gainera, oinezko ibilbide batzuk ere egingo ditugu, inguruko mendietako paisaien edertasunaz gozatzeko.

Ibilbide hau egiteko beharrezko bidaia-baimenak aurretik eskatu behar dira eta denbora behar izaten da. Proposamen honetan interesatuta egonez gero, ez utzi azken ordurako eta jarri gurekin aurretik harremanetan. Banoako gidaria.