Rub Al Khali
[Saudi Arabia]

Hondarrezko itsas handia

Munduko hareazko espazio jarraiturik handiena. Esku bateko hatzekin kontatzen dira gurutzatzera ausartu eta gero kontatzeko bizi izan diren esploratzaileak. Wilfred Thesiger britainiarrak, batzuentzat “Azken esploratzaileak”, bost urte eman zituen bere hondarretan beduino nomadekin bizirauten, eta “Arenas de Arabia” (Arabiako hareak) liburu bikaina idatzi zuen, egilearen arabera: “iragan galdu bati omenaldi bat eta bere jendeari gorazarre bat, lehenagoko ondare bikainak”. Thesigerrek berak zioen: “Munduko paisaiarik ederrenetako bat ikusi dut eta tribu interesgarri eta ezezagunen artean bizi izan naiz. Leku hauetako inork ez nau hunkitu, Arabiako basamortuek bezala”.

Lurreko eskualde hezigaitzenetako batean sartzea proposatzen dizuegu. Arabiar penintsulako 650.000 kilometro koadro hartzen ditu eta Saudi Arabiako hegoaldetik sartuko gara bertara. Sei egun eta bere gauekin Rub Al Khali mitikoaren hondarrezko itsasoaren artean murgiltze osoa, hango dunez, isiltasunez eta zeru izartsuez gozatzeko. Harritzeko, halaber, beren harkaitz-formazioekin, milaka petroglifo ezkutatzen baitituzte, jainkosa paganoen eta antzinako tribu eta karabanen istorioak kontatzen dituztenak. Uruq bani Maaribeko Fauna Basatiaren Santutegia bisitatuko dugu. Bertan, birsartutako orix eta gazela taldeek harea eta mendi artean korritzen dute.
Najran oasi hiriak, Banu Yam tribuaren sorlekua eta intsentsu karabanen igarobide historikoa, bere ibai, oasi eta adobezko dorre eta jauregiekin, bidaiari amaiera galanta emango dio.