- Castellano
- Català
- Euskara
- BARCELONA 93 318 96 00
- BILBAO 94 435 51 19
Pakistan iparraldea
Indo ibaiaren
eta Karakorumaren
artean
eta Karakorumaren
artean
Pakistan iparraldea
Indo ibaiaren
eta Karakorumaren
artean
eta Karakorumaren
artean
Banoaren klasikoetako bat da bidaia hau eta aurten aldaketa batzuk sartu ditugu ibilbidean. Iparraldeko alde menditsuan zentratuko gara gehien bat, naturarekiko kutsu nabarmenagoa emanez ibilbide zoragarri honi.Pakistango iparraldean bi ezustekorekin egingo dugu topo:batetik naturaren edertasun izugarria eta, bestetik, hango aberastasun etniko eta kulturala.
Pakistango alderik malkartsuena zeharkatuko dugu, Karakorum mendikatearen eta Indo ibaiaren artean kokatukoa, Txinako mugatik gertu: ibai emaritsuek, glaziarrek eta mendiek markatutako eremu paregabea.Aldi berean punjabiar, hunzar, baltiar eta diamirdarren herrixken artean ibiliko gara.
Islamabadetik abiatuta, Indo ibaiaren ondotik gora egingo dugu, “Karakorum autopista handia” errepidea erabiliz.Chilasera iritsita, Nanga Parbat gailurraren (8.125 m) oinetan, Deosaiko lur lauak zeharkatuko ditugu, Baltistan eskualderako bidean.Baltistanen, Indo ibaiaren norabideari jarraituko diogu Gilgiteraino, gero Hunza bailaran sartzeko; ondoren Txinarekiko mugako Khunjerab Pass (5.000 m) pasabideraino.Bidean historian aparteko garrantzia izan zuten hiri zahar batzuk ezagutuko ditugu: Karimabad edo Shinsal, esaterako, mendiz inguratuta.Ibilbidean ez dugu hiri handirik edo monumentu ikusgarririk ikusiko, hemen naturaren edertasuna da bidaiaren eduki nagusia: natura bera, mendi-paisaiak eta bertan bizi diren etniak eta etnia horien bizimodua.Oinez glaziar batzuk bisitatuko ditugu, baita herrixka batzuk ere.
Interesguneak
• Indo ibaiaren haitzarteak • Karimabad • Batura glaziarra • Hopar glaziarra • Passu • Shinsal, Karakorumeko herri ahantzia • Khunjerab Pass • Nanga Parbat • Deosaiko lautadak • Skardu, Baltistango hiriburua • Machulu, nekazaritzako bizimodua Karakorumen • Karakorumeko errepidea, naturaren aurkako borrokan.
Ibilbidea
Islamabaderainoko hegaldia–Chilas– Deosai–Skardú–Hapulu– Machulu–Gilgit–Hunza– Karimabad–Passu–Batura glaziarra–Shinsal–Khunjerab Pass–Gilgit–Islamabad.
Zenbait datu interesgarri
Bidaia honetan natura da protagonista nagusia eta ondorioz ezusteko ugari topa ditzakegu bidean.Ibiliko garen tokietatik, batzuetan orografiak sekulako dimentsioak izango ditu eta pazientzia handia eskatuko digu.Furgonetak eta lur mota guztietarako ibilgailuak erabiliko ditugu.Lo egiteko tokiak ez dira prezioaren barruan sartzen, tokian-tokian kontratatu beharko ditugu; batzuetan ezinbestekoa izango da oso toki arruntetan lo egin behar izatea, besterik ez dagoelako.Urteko sasoi honetan mendi aldean tenperatura atsegina izaten da, baina litekeena da hotz pixka bat egitea.Bidaia, beraz, gogorra da, baina ez da mendizale amorratuentzat bakarrik, mendiak, paisaiak eta natura atsegin dituzten guztientzat baizik.Oinezko ibilbide batzuk ere egingo ditugu.Banoako gidaria.
Prezioaren Barruan
- - Islamabaderainoko joan-etorria, hegaldi erregularrean.
- - Pakistanen sartzeko bisatua.
- - Aireportu eta hotelen arteko joan-etorriak.
- - Ibilbide osoko garraio pribatua, autobus txiki eta lur mota guztietarako ibilgailuetan.
- - Passura iristeko aintzira zeharkatzeko txalupa.
- - Islamabadeko hoteleko egonaldia.
- - Bidaiako asistentzia-asegurua.
- - Tokian tokiko gidariak.
- - BANOAko gidaria.
Preziotik Kanpo
- - Otorduak.
- - Ostatu-gastuak, Islamabaden izan ezik.
- - Aire-tasak.
- - Eskupekoak eta “Prezioaren barruan” atalean sartuta ez dauden gainerako guztiak.
Taldea: 6 eta 15 pertsona artekoa + gidaria.
Irteerak: MAD eta BCNtik, uzt. 3an/abuz. 5ean/irai. 2an.
Prezioa : 1.875 € + aire tasak*
*Kontsultatu tasak gure bulegoetan.
Klikatu mapan, mapa handitzeko
