Ladakh, Zanskar harana eta Kaxmir

India

Zanskar bailara geografikoki oso malkartsua da eta gailur handiak eta ibai zabalzabalak dauzka. Gainera oso eskualde lehorra da, eta horrek inguruko eskualdeekiko isolatua egotea ekarri izan dio. Horiei guztiei esker, Zanskar bailarako ohitura eta sinesmen budistek ongi eutsi diote tradizioari. Trekking honek Himalaia mendikateko merkataritzako bide zaharrenetariko eta isolatuenetariko bat ezagutzeko aukera ematen digu. Eskualde honi guztiari “Indiar Tibet” deitu izan zaio, mugakide dituen tibetarrekin kultura, erlijioa, geografia eta familialoturak konpartitzen dituelako. Eta kontrapuntu gisa, trekkingaren amaieran, hamabi egun ibili ondoren, Kaxmirreko hiriburua, Sringar, eta bertako lakuak eta izeibasoak, berdeberdeak. #Klimatologiari begiratuta, abuztua izango da, seguruen, ibilbide hau egiteko sasoirik egokiena. Era honetako trekkingetan ohi bezala, gure ekipaiak asto gainean eramango ditugu eta sukaldari batek prestatuko ditu otorduak. Banoako gidari batek lagundu gaitu ibilbide osoan.