Turkana Lakua

Gizateriaren sorlekurako bidaia
[Kenya]

Turkana lakua edo aintzira (lehenago Rudolf lakua zena) ur gozoko masa ikaragarri bat da, basamortu baten erdian dagoena. Izatez, ekialdeko Afrikako era horretako handiena da.

Rift haranean erdi ezkutatuta dago, ohiko turismo-ibilbide guztietatik urrun, eta Afrikako toki bitxienen artean bitxienetakoa da. Jadezko itsaso bat, sumendiz inguratuta, eta lakuaren ur-bazterretan planetako tribu bakartuenetako batzuk bizi dira: turkana, gabbrak, rendilleak, dassenechak edo azken emoloak. Pertsona gogorrak eta edertasun handikoak, ingurune ezatsegin batera ondo egokituak, kultura eta ohitura zaharrei eusten: ganadua zaintzea eta ura bilatzea, animismoa eta bizirautea.

Gu zer garen eta gure arbasoak zer izan ziren hurbiletik ezagutzeko aukera paregabea. Turkana lakuaren ondoan, Sibiloi P.N. eta Koobi Fora Erreserba Naturala daude, gizateriaren benetako sorlekua Afrika izan zela egiaztatzeko.

• Turkana lakua, sumendiak eta tribuak • emolo-ak, lakuko azken etnia • Loyangalani, paisaiak eta pertsonak • Sibiloi Parke Nazionala, fauna basatia • Koobi Fora Erreserba Naturala, hominidoen aztarnak eta gizateriaren sorlekua• Harri bihurtutako basoa • Chalbi basamortua, gabbra etniaren oasia • Turkanak, samburuak eta rendilleak, etnia nilotikoak • Maralal, mendiak eta pertsonak • Marsabit, bidegurutzea • Nyahururu eta Thompson ur-jauzia • Samburu herrialdea • Nairobi, hiriburua.

Nairobirainoko hegaldia. Garraioa, lur gogorretan bidaiariak garratzeko egokitutako kamioi berezi batean. Gau batzuk kanpatuta egingo dugu lo (pentsio osoa). Interes kultural, etniko eta paisajista handiko ibilbidea, baina, aldi berean, –bide eta azpiegituren egoera kaxkarra dela eta– gogorra. Gogoan izan planetako tokirik bakartuenetako batera iritsi nahi dugula. Banoako gidaria.