Txina

Erdiko Erresumaren sustraietan

Txina, agian bizirik dirauen munduko zibilizaziorik zaharrena. Txinako kultura aberats eta anitzak eragina izan du inguruko herrialdeetako jakituriaren ia alor guztietan: mitologian, musikan, arkitekturan, pinturan, filosofian, metalurgian... Filosofiaren bi ildo nagusiren sorlekua (konfuzianismoa eta taoismoa), Txinako kulturak bere gain hartu zuen budismoa eta islamarekin ere harremana izan du. Pentsaera horien guztien berezko irakurketa, originala, egin du. Bidaiariak arkitektura, arte eta paisaien aldetiko aberastasun handia aurki dezake begirune handiz eraberritutako Zhongguo-n (txineraz Erdialdeko Erresuma edo Herrialdea adierazteko hitza), kultura baten sustraietara, Asiako kontinentearen errealitatea ulertzeko ezinbestekoa, hurbiltzeko aukera ematen diguna. #Harkaitzetan landutako eta hainbat estilo eta eskolaren pintura eta apainduez hornitutako haitzulo eta pagoden arteko ibilbidea egingo dugu. Filosofiaren ikur bilakatutako paisaien artean eta iraganeko lainoen artean geratuta diruditen etxe, kale eta azokak biltzen dituzten harresitutako hirien artean. Film ospetsuetan agertu izan diren natur paisaiak eta etxe erraldoiak. Eta mendietako paisaia ederren erdian dauden tenplu eta monasterio zaharrak, “Gizateriaren Ondare” izendapena izanik arren, guretzat guztiz ezezagunak. Eta ibilbidearen amaieran Xangai eta bertako Erakusketa Unibertsala. XXI. mendeko Txina, tradizioaren eta modernitatearen arteko bidegurutzean, txundigarria.#