- Castellano
- Català
- Euskara
- BARCELONA 93 318 96 00
- BILBAO 94 435 51 19
Japonia
Tradizioaren
eta etorkizunaren artean
eta etorkizunaren artean
Japonia
Tradizioaren
eta etorkizunaren artean
eta etorkizunaren artean
Denok daukagu Japoniari buruzko irudiren bat buruan, antzinako geishen eta tradizioen imajinak gogora ekartzen dizkiguna edota zientzia fikziozko filmetako balizko etorkizuneko mundura garamatzana. Horixe da, hain zuzen ere, gaurko Japonia: tradizioaren eta modernitatearen arteko gurutzaketa perfektua.
Bisitariak maitemindu ohi dituen herrialdea da Japonia: naturaren edertasunaz, arkitektura-ondare aberatsaz edota tradizio handiko gastronomiaz gozatu nahi dutenak, esaterako. Halere errealitateak gainditu egiten du buruan eduki genezakeen imajina. Japoniak etengabe harrituko gaitu, antzinako tradizio aberatsei eusten jakin izan duen kultura bitxia, bakarra, duelako.
Honshu uhartea bisitatu, esaterako, eta Japoniako aurpegietako batzuk ikustea, iragana, oraina eta etorkizuna ederki uztartzen dituen herrialde harrigarri honetan. Tokio liluragarrian helduko diogu ibilbideari, egungo Japoniako gizartearen kontraesanak ezagutzeko aproposa. Gero Japoniako santutegi ederretako batzuk biltzen dituzten eta oinez egiteko oso egokiak diren Nikkoko baso zabaletan ibiliko gara. Handik bost lakuko eskualdera joko dugu, Fuji mendi mitikoaren oinetan, lainoek uzten badigute, mendi horren itxura liluragarria ikusi ahal izateko. Uhartearen erdialdera joko dugu ondoren, “Japoniako Alpeetara” hain zuzen ere, naturaz eta herri txiki eta antzinako probintzia-hiriburuetako shogun eta samuraien garaietako paisaien edertasunaz gozatzeko. Ondoren hegoalderantz egingo dugu, lehenengo Kumano eskualdea bisitatzeko, milaka erromesaldi-bidek osatutako sare batek zeharkatutako basoetan barrena ibiltzeko eta, jarraian, Koya-san aldera, Japoniako monasterio zaharren multzorik handiena ikusteko. Ilunabarrean, bertako hilerri fantasmagorikoa bisita daiteke. Gero, “ziztu biziko trena” hartu eta barne itsasoko Miyajima uharte ospetsua bisitatzeko eta bertako hiri garrantzitsuenak: Hiroshima -ezaguna, tamalez, lehenengo lehergailu atomikoa bertan bota zutelako-, Okayama edo Himeji. Aurrerago bigarren mundu gerratean zoritxarrez hain ospetsu bilakatu zen Hiroshima hiria ezagutuko dugu, baita Himeji hiria ere. Eta handik iragan aberatsa duen eta egun kultur hiriburua den Kiotorantz abiatuko gara, ekialdeko herrialde zoragarri horri “hurrengora arte” esateko.
Interesguneak
• Tokio, Japoniako megalopolia • Nikko, santutegi aberatsak eta baso ederrak • Fuji mendi mitikoa • Tsumago eta Magome herri ikusgarriak • Mendiko paisaiak Japoniako Alpeetan • Shirakawa Goko etxe bitxiak • Koyasan herriko monasterioak • Kumano Kodoko erromesaldi-bide zaharrak • Himejiko gaztelu ederra • Hiroshima, sarraskiaren oroimena, hunkigarria • Miyajima uharte ikusgarria • Kioto: antzinako inperioko hiriburuaren altxorrak.
Ibilbidea
Tokiorainoko hegaldia –Nikko –Fuji mendia –Magone Tsumago –Takayama –Japoniako Alpeak –Shirakawa Go –Kumano Kodo –Koyasan –Osaka –Hiroshima –Okayama –Himeji –Kioto.
Zenbait datu interesgarri
Autobusez (airea girotuarekin) ibiliko gara, Tokiotik Nararaino. Nara-Hiroshima, Hiroshima-Okayama, Okayama-Himeji eta Himeji-Kioto tarteetarako abiadura handiko trena erabiliko dugu. Turista mailako hoteletan eta Japoniako hotel tradizionaletan egingo dugu lo. Banoako gidaria.
Prezioaren Barruan
- Tokiorainoko hegaldi erregularra, haranzkoan, itzulera Kiototik.
- Aireportu eta hotelen arteko joan- etorriak.
- Metro txartela Tokioko eta Kiotoko bisitentzat.
- Nikko bisitatzeko trena eta autobus publikoa.
- Tokio- Osaka tarterako autobus pribatu txikiko garraioa, (8 egun).
- Osaka- Hiroshima, Hiroshima- Okayama eta Himeji- Kioto tarteetarako abiadura handiko tren- garraioa.
- Miyajimarako txalupa- garraioa.
- Tokio, Nikko, Kawaguchi, Takayama, Osaka, Hiroshima, Himeji eta Kioto hirietan, turista- maila hoteleko egonaldia (lo egitea eta gosaria), birentzako logeletan (bainugelarekin).
- Magome, Shirakawago eta Koyasanen
hotel tradizionaletan lo egitea (afaria barne).
- Kawayu Onseneko hotel xume batean ostatu hartzea, afaria barne.
- Eskupekoak* (ikus oharra baldintza- orrian).
- Bidaiako asistentzia- asegurua.
- Banoako gidaria.
Preziotik Kanpo
- “Prezioaren barruan” atalean sartuta ez dauden otorduak.
- Kultur etxe, teleferiko, museo eta monumentuetarako sarrerak.
- Aire- tasak.
- Eskupekoak* (ikus oharra baldintza- orrian).
- “Prezioaren barruan” atalean sartuta ez dauden gainerako guztiak.
Iraupena : 23 egun
Taldea: 8 eta 16 pertsona artekoa + gidaria.
Egunak: uzt. 1./ abu. 7./ ira. 3./ urr. 4./ aza.5.
Irteerak: BIO, MAD eta BCNtik.
Prezioa : 5.560 € + aire tasak*
*Kontsultatu tasak gure bulegoetan.
Klikatu mapan, mapa handitzeko
