Abenduko zubia

Irak

Mesopotamiako arima

Irak, antzinako Mesopotamiako zibilizazioaren sorlekua, non idazketa eta gurpila, matematika eta astronomia asmatu ziren. Mito erlijiosoen lekua ere bada: Eden lorategia, Tigris eta Eufrates ibaien artean kokatua, Babiloniako lorategi zintzilikatu zoragarriak, Babelgo dorrea… Behin egonkortasunaren eta garapenaren eredu izan zen herrialdea, ekialdearen eta mendebaldearen arteko bidegurutzean, eta azken hamarkadetan gerrek suntsitu eta fundamentalismoak jazarrita izan den herrialde bera: Iran-Irak Gerra, Saddam Husseinen errepresio politikoa, amerikar inbasioa. Oraindik hurbil sumatzen diren zauriak dira hauek, ISISek arpilatu eta suntsitutako Mosul hiri zaharraren lekukotasun biziak erakusten duen bezala.

Pixkanaka-pixkanaka, jende langile eta adeitsu hau betiko gerraren irudi hori atzean utzi eta berreraikitzea lortzen ari da, beraien onena eskaintzeko bisitariei. Abbasi, sumertar, akadiar, babiloniar eta asiriar kulturetako aztarna arkeologikoak, eragin otomandar eta persiarreko meskitak, eta milioika fededun mugitzen dituzten erromesaldi-zentroak, Mekarekin lehian.

Hau gutxi balitz, bertako herrialdeak ikusi ahal izango ditugu, bertako ibai eta paduretan nabigatu eta bertako jendearen abegikortasunaz, bazarren koloreaz eta gastronomiaz gozatu.