Indonesia

Java, Sulawesi,
Bali eta Komodo

Hamaikatxo uharte dituen –bakoitza bere nortasun propioarekin– artxipelago batean sartuko gara. Orkidea baten itxura duen antzinako Celebes uhartean emango diogu hasiera bidaiari. Arroz-soro, oihan eta kareharrizko formazioen artean, heriotza bizitzaren osagai garrantzitsua den toraja etniaren lurretarantz abiatuko gara.

Paisaian eraikuntza tradizionalak –tongkonan– eta harkaitzetatik zintzilikatutako hilerriak egurretan landutako hildakoen aurpegiekin –tau tau- eta bide bazterrean hildakoaren omenezko ganadua akabatzeko zeremonia zaharrak.

Java uharte biztanletsua izango da gure hurrengo destinoa. Yogyakartan, Borobudur eta Prambanan tenpluetan zehar, hiri horretako aniztasun erlijiosoa ezagutuko dugu. Uhartearen mendebalderantz eginez, lur hauetako paisaiarik ederrenetakoak ikusteko aukera izango dugu: Bromo sumendia, inguruan beste 80 sumendi dituela. Ondoren, Ijen sumendiaren barruko laku urdin turkesa ikusgarria. 

Ondoren, Bali uharte misteriotsua, eta Indonesiako hinduismoa ezagutzeko aukera, bertako tenplu ugarien bidez. Batukaru sumendi handiaren oinetan planetako nekazaritza paisaiarik ederrenak ikus daitezke, Jatiluwih-ko arroz-soroak, adibidez, UNESCOk Gizateriaren Ondare izendatuak.

Eta bidea amaitu aurretik, Komodo P.N., eta bertan, gure planetako altxorretako bat: Komodo dragoia, historiaurreko oroitzapen bizia. 

Ibilbide honek toki interesgarri asko biltzen ditu: Sulawesi, Java, Bali eta Flores. Gizateriaren benetako kaleidoskopioa: animismoa, hinduismoa, budismoa, islama eta kristautasuna, denak herrialde berean; eta Komodo uhartea ahaztu gabe, ezta uharte horretako fauna interesgarria ere, munduan bakarra.