Indiako hegoaldea

Azpikontinente baten gorabeherak

Indian diote hinduismoaren mitologiako jainkoak hamaika era ezberdinetara etorri izan direla lurrera, hainbat aldiz berpiztu izan direla. Horietariko bakoitzari “avatar” (euskaraz “gorabehera”) edo eraldaketa deitzen zaio. Jainkoen antzera, Indiako kontinenteak ere eraldaketa ugari jasan izan ditu. #Mumbaitik hegoaldera, Indiako Batasunaren bestelako aurpegietako batzuk ezagutuko ditugu: tamilen tenplu handietako jendearen etengabeko joanetorria; Keralako barruko lakuak (backwater); Nilguiri mendietako Biosferaren Erreserbako fauna; Karnataka eta Maharasthrako lautadak, ekonomia eta finantzen gune nagusia... azpikontinente horren gaurko aniztasunaren eta ondare historiko, natural, artistiko eta kulturalaren lekukoak. #Aurtengo ibilbideak Keralako hondartzetaraino eta Arabiako Itsasoko urek Bengalako golkoko eta Indiako Ozeanoko urekin bat egiten duten tokira eramango gaitu: Kanyakumari. #Eta gauza guztien gainetik, Indiak (Indiek –pluralean– esan beharko genuke, bat baino gehiago dira eta) India izaten jarraitzen duela eta gauzak ikusi eta ulertzeko gure erarekin zerikusi handirik ez duela.