Mediterraneoa eta Afrikako Iparraldea (e)rako bidaiak / Egipto (e)rako bidaiak
Foto Gilf Kebir eta Jabel Uweinat, Zerzura misteriotsua (Egipto)

Gilf Kebir
eta Jabel Uweinat,
Zerzura misteriotsua (Egipto)

Gilf Kebir
eta Jabel Uweinat,
Zerzura misteriotsua (Egipto)

Hungariako Laszlo Almasy esploratzaileak obsesio bilakatu zuen Zerzura oasi misteriotsua aurkitzeko ahalegina eta bizitzaren tarte luzea eta diru asko eman zituen zeregin horretan. Hainbat bidaia egin zituen Saharako alde horretara eta horietan pintura eta grabatu ugari aurkitu zituen harkaitzetan, baita natur espazio ikusgarriak ere. GILF KEBIR (Harresi Handia) deritzon goi-lautada ez da oso ezaguna gure artean, itsasoaren mailatik 1.000 m-ra dago. Paisaiak ezusteko ederrak emango dizkigu, besteak beste kobazulo eta harkaitzetako pintura bitxiak. "Igerilarien kobazuloa” izango da seguruen ezagunena, baina asko daude, 7.000 urtetik gorako antzinatasuna duten historiaurreko pinturak gordetzen dituztenak. Saharako beste txoko ezezagun bat JABEL UWEINAT da, Egipto, Libia eta Sudango lurrak hartzen dituena. Basamortuko lautada zabalaren erdian 1.900 metroko garaierako uharte baten antzera ageri da Afrikako geografian erreferentziazko gune garrantzitsua den mendi hau.

Oharra: Bidaia honetarako erreserbak denboraz egin behar dira, eskualdean zehar ibiltzeko beharrezko baimen guztiak lortu ahal izateko denbora luzea behar izaten da eta. Banoako gidaria.

Interesguneak

• Farafra, Dakhla eta Siwa, oasi bizi-biziak • Ur termaleko iturriak • “Hareazko itsaso handiko” dunak • Silizezko kristal misteriotsua, Tutankhamon faraoiaren hilobiko mozorroan aurkitua • Gilf Kebir, Afrikako harresi naturaletako bat • Igerilarien kobazuloa eta harkaitzetako bestelako arte-aztarna ikusgarriak • Jabel Uweinat, mendi harrigarria, igotzeko ezinezkoa eta misterioz betea • Urak eta haizeak landutako paisaia amaigabeak.

Ibilbidea

Kairorainoko hegaldia – Farafra oasia – Dakhla oasia –Eight Bells –Clayton Craters –Jabel Uweinat –Karkur Talh –Wadi Sura – Mestekawi kobazuloa – Wadi Abdel Malik –Wadi Guba – Silizezko kristal–eremua – Dunen itsaso handia – Siwa oasia –Kairo.

Zenbait datu interesgarri

Errepidezko joan-etorrietarako autobus pribatu txiki bat erabiliko dugu, Land Cruise Toyotak basamortuko ibilbiderako. Basamortuko zeharkaldian, gauez kanpatuta egingo dugu lo (pentsio osoa). Planetako natur gune zabal eta urrutikoak, eguneroko erosotasunak alde batera utzita, atsegin dituztenentzako bidaia aproposa. Banoako gidaria.

Prezioaren Barruan

  • Kairorainoko joan- etorria, hegaldi erregularrean. Egipton sartzeko bisatua. Aireportu eta hotelen arteko joan- etorriak. Eskualdea bisitatzeko militarren baimenak. Gilf Kebiren kanpatzeko tasak. Kairo- Farafra eta Siwa- Kairo tarteetarako autobus pribatu txikia. Ibilbide osoko garraioa, lur mota guztietarako ibilgailuetan (gidariekin). Turista- mailako hotela (lo egitea eta gosaria): Kairo eta Siwa hirietan. Basamortuan, 12 eguneko kanpaldia, pentsio osoan. Sukaldaria, sukaldea eta kanpatzeko material guztia (lozakua izan ezik). Bidaia- asegurua. BANOAko gidaria.

Preziotik Kanpo

  • Zehaztuta ez dauden otorduak. Museo eta monumentuetarako sarrerak. Aireportuko tasak. Aire- tasak. Eskupekoak, eta zehaztu ez diren bestelako zerbitzu guztiak.

Taldea: 6 eta 16 pertsona artekoa + gidaria.

Irteerak: Bilbo, Madril eta Bartzelonatik.

Prezioa : 3.075 € + aire tasak*

*Kontsultatu tasak gure bulegoetan.

Klikatu mapan, mapa handitzeko

Klikatu mapan, mapa handitzeko

Eskatu fitxa teknikoa

Klikatu mapan, mapa handitzeko
Gilf Kebir eta Jabel Uweinat,
Zerzura misteriotsua (Egipto)
Click para recargar la imagen

Legezko oharra Formulario hau borondate hutsez betetzen baduzu, zuk emandako datu pertsonalak BIDAIAK BANOA, S.L. enpresaren jabetzako fitxategi batean sartuko dira. Fitxategi horrek 2050691029 zk. du Datuak Babesteko Espainiako Agentzian eta datuen segurtasuna bermatzeko beharrezko segurtasun-neurriak dauzka, besteak beste, datuak aldatu, galdu, tratatu edo datu horietan baimenik gabe sartzea ekiditeko.

Datu horietan sartu, datuok kendu, zuzendu edo horretan sartuta egotearen aurkako eskubideak erabil ditzake erabiltzaileak, DBLOk eskubide horiek aitortzen baitizkio. Horretarako BIDAIAK BANOA, S.L., Ledesma kalea, 10-Bis., 2. solairua, 4. departamendua helbidera jo besterik ez duzu, izen-deiturak, jakinarazpenetarako helbidea, NANaren fotokopia eta eskabidea, data eta sinadura jarriz.

Gure cookie propioak erabiltzen ditugu, baita beste batzuenak ere, gure zerbitzuak hobetzeko. gure orrirako zure sarbidea pertsonalizatuz, eta zure nabigazio-ohiturak anonimoki aztertuz. Nabigatzen jarraitzen baduzu, haien erabilera onartzen duzula ulertuko dugu. Konfigurazioa alda dezakezu edo informazio gehiago lortu; horretarako sakatu hemen:

MÁS INFORMACIÓN | ONARTZEN DUT