- Castellano
- Català
- Euskara
- BARCELONA 93 318 96 00
- BILBAO 94 435 51 19
Txad
Ennediko basamortua eta
Zakoumako Parke Nazionala
Zakoumako Parke Nazionala
Txad
Ennediko basamortua eta
Zakoumako Parke Nazionala
Zakoumako Parke Nazionala
Txad Afrika osoko herrialderik anitzena da eta etnia eta kulturen aldeko kontrasterik handienak dituena. Bertan, iparraldea eta hegoaldea bereizten dira, moneta beraren bi alde ezberdinak bailiran.
Hegoaldea berdea da, nekazaritza-girokoa, kristaua eta animista; iparraldean, berriz, Saharako hareak, artzain nomadak eta gameluak aurkituko ditugu.
Bidaia zail honetan bi lurraldeak batuko ditugu. Oso-osorik ez, baina zati handi batean bai. Lurralde bakoitzean benetako altxorrak topa ditzakegu: hegoaldean Zakouma P.N. eta iparraldean Ennedi, bi aipatzearren, nahitaez bisitatu beharrekoak.
Zakouma Parke Nazionalak babestutako 300.000 hektarea dauzka eta oso bisitari gutxi izaten ditu, ezagunagoak diren beste batzuen glamour eta masifikazioaren aldean, baina animali asko ikus ditzakegu ( zorte pixka batekin) parke horretan: herbiboroak, elefanteak, lehoiak… eta hegaztiak.
Txadeko ipar-ekialdean, Ennedi lautada daukagu, 1.000 m-ko altueran, nolabait ezezaguna, bakartua eta harrigarria, baina Historiaurretik ia ukitu gabe iritsi zaizkigun hainbat altxorren gordelekua izan dena: harkaitzetako arte-lanak, arroilak, ur-arro naturalak… Iparraldean, urmaelak eta ur gezako eta geziko lakuak bisitatuko ditugu, Gizateriaren Ondarea izendatutako Ounianga Kebir-era iritsi arte.
Bide zailak zeharkatuko ditugu, 4x4 motako ibilgailuak erabilita, ordu luzetan. Baina, aldi berean, urte askoan aldaketa handirik izan ez duen lurralde eder bat bisitatuko dugu, paisaia, etnia eta naturaren aldetiko aberastasun apartekoa.
Zalantzarik gabe esan dezakegu bidaia hau oso berezia dela, ez duela parekorik, Txad barruan egin daitekeen onenetarikoa eta osoena. Abendua aukeratu dugu Zakouma Parke Naturala bisitatzeko sasoi ona delako.
Ibilbidea
Djamenarainoko hegaldia –Moussoro Salal –Kouba –Oulanga –Erg Djourab –Faya –Benbeche –Edike –Ounianga Kebir –Ounianga Serir –Teguedet –Demi –Mourdi –Fada– Abaike –Bashike –Archei –Tokou –Deli –Terkei –Kalait –Abeché –P.N. Zakouma –Bitkine –Aboutoyour –Djamena.
Zenbait datu interesgarri
Ibilbide osoan, 4x4 motako ibilgailuak erabiliko ditugu. Guztira, 15 gau kanpatuta emango ditugu, pentsio osoan. Zakouman parke barruko "kanpamentu" batean ostatu hartuko dugu logela bikoitzetan, bainugela pribatuarekin, (2 gau).
Egia esan, hau ez da guztiz bidaia bat, azpiegiturarik gabeko eta neurri batean nork bere burua aski izatea eskatzen duen urrutiko eskualde baten zehar egingo dugun abentura handi bat baino. Ennedi eskualdean oinezko ibilaldi batzuk egingo ditugu, inguruko edertasunaz gozatzeko.
Ibilbidean hainbat ustekabe izan ditzakegu, horregatik era honetako bidaietan esperientzia edukitzea eskatzen dugu eta, jakina, ezustekoei aurre egiteko adorea edo sendotasuna, seguruen sorpresa ugari izango ditugu eta. Banoako gidaria.
Prezioaren Barruan
- Djamenarainoko nazioarteko hegaldia, joan- etorria.
- Txaden sartzeko bisatua.
- Aireportu eta hotelen arteko joan- etorri guztiak.
- Djamenan turista motako hoteleko egonaldia (lo egitea eta gosaria).
- Ibilbide guztiko garraioa, lur mota guztietarako ibilgailuetan. Ibilgailu bakoitzean 4 pertsona, gehienez.
- Kanpalekuetako 15 gau (pentsio osoa).
- 2 gau Zakouma Parque Nazionaleko "kanpamentuan" pentsio osoan.
- Sukaldeko eta kanpatzeko material guztia (lozakua izan ezik).
- Kanpatzeko banakako kanpin- denda.
- Zirkulaziorako eta kanpatzeko baimen guztiak.
- Ibilbidean adierazitako naturguneetarako sarrera.
- Zakouma Parke Nazionalerako sarrera.
- 2 “Game drive” Zakouma Parke Nazionalean.
- Tubu etniako bertako gidaria.
- Eskupekoak* (ikus oharra baldintza- orrian).
- Banoako gidaria.
Preziotik Kanpo
- “Prezioaren barne” atalean zehaztuta ez dauden otorduak.
- Herrixka, azoka- areto, museo eta monumentuetarako sarrerak.
- Aire- tasak.
- Baldintza- orrian zehaztu gabeko eskupekoak.
- “Prezioaren barne” atalean zehaztu ez den beste edozein kontzeptu.
Iraupena : 20 egun
Taldea: 6 eta 16 pertsona artekoa + gidaria.
Egunak: otsailaren 6tik 25era.
Irteerak: BIO, MAD eta BCNtik.
Prezioa : 4.430 € + aire tasak*
*Kontsultatu tasak gure bulegoetan.
Klikatu mapan, mapa handitzeko
