- Castellano
- Català
- Euskara
- BARCELONA 93 318 96 00
- BILBAO 94 435 51 19
Botswana
Makgadikgadi, Okavango, Chobe eta Victoriako ur-jauziak
Botswana
Makgadikgadi, Okavango, Chobe eta Victoriako ur-jauziak
Botswanak Afrikako kontinenteko fauna aberatsa ikusteko behatokirik onenak eskaintzen ditu, bertako bi eszenatokirik ezagunenetan: Okavangoko delta eta, batez ere, deltaren erdiko zeharkaldi gogorra, Maunetik Kasanera, bost egunez eta 4x4 motako ibilgailu bat erabiliz egingo duguna, bidean Botswanako iparraldeko eremu babestu nagusi edo garrantzitsuetako bi ezagutzeko: Moremiko Bizitza Basatiko Erreserba eta Chobe Parke Nazionala.
Aurretik Makgadikgadi Parke Nazionaleko goi-lautadako gatz-lautada erraldoietan barrena sartuko gara, eurite-garaian bertan gertatu ohi delako Afrika osoko zebren bigarren migrazioa, eta elefanteak, antilopeak, jirafak, felinoak zorte onez… ikusteko aukera izango dugu.
Laburbilduz, aukera handiak eskainiko dizkigun aparteko bidaia: zeru-hertz handiak, paisaia ezberdin ugari, basamortuak, sentsazioak, fauna eta isiltasuna…, eta bidearen amaieran Zambeze ibaia eta ibai horretako Victoriako ur-jauziak.
Interesguneak
• Makgadikgadi Pans-eko P.N.ko goi-lautadako gatz-lautada erraldoiak eta bertako animaliak • Felino handiak eta afrikar fauna • Mokoro ontzia erabiliz, Okavangoko deltan zehar abiatuko gara, hipopotamoak eta elefanteak ikusteko • Serondela, Chobe ibaian barrena: jirafak, bufaloak, elefante handien aldrak • Chobe P.N.ko Savutiko hezegune misteriotsuak, lehoi, zebra, kudu, inpala, fakokero, hiena, ñu, gepardo… eta animalia askoren bizilekua • Moremiko Bizitza Basatiko Erreserba: urmael eta sabanen arteko kontrastea Okavangoko Deltaren bihotzean, lehoinabarren eta errinozeronte urrien bizilekua • Victoriako ur-jauzien ikuskizuna, Zambezi ibaiko arroilen paisaia paregabean.
Ibilbidea
Victoriako ur-jauzietarainoko hegaldia – Kasane – Makgadikgadi P.N. – Maun – Moremi Natur Erreserba (North Gate eremua) – Chobe P.N. (Savuti eremua) – Chobe P.N. (Serondela eremua) –Kasane – Victoriako ur-jauziak.
Zenbait datu interesgarri
Ibilbide osoa, talde txikian eta zorrotza, hau da, partaideen lankidetza, tolerantzia eta bidaiari-izpiritua eskatzen dituena. Kasane, Maun eta Victoria Falls-en, hotel edo bungalowetan egingo dugu lo (6 gauetan). Libre kanpatuta egingo dugu lo beste 6 gauetan, birentzako mendi dendekin. 4x4 motako ibilgailua bat erabiliko dugu, safarietara eta taldearen tamainara egokitua. Gidari bat, sukaldari bat eta Banoako gidaria izango ditugu lagun. Botswanako erreserba eta parke nazionaletako sarrerak prezioaren barruan daude sartuta.
Prezioaren Barruan
- Victoria Fallserainoko joan- etorriko nazioarteko hegaldia.
- Zimbabuera birritan sartzeko bisatua.
- Aireportu eta hotelen arteko joan- etorriak.
- Autobus pribatu txiki bateko garraioa, Victoriako ur- jauzietatik Kasaneraino, joan- etorria.
- Bostwanako ibilbide osoan, 4x4 motako ibilgailu garraioa, txasis luzekoa, safarietara eta taldearen tamainera egokitua.
- Kasane, Maun eta Victoria Falls- en, hotel eta bungalowetan lo egitea (6 gau), (lo egitea eta gosaria).
- 6 gau campsite- etan egingo dugu lo, hau da, parkeetan, kanpalekuak antolatzeko baimendutako tokietan, zerbitzurik gabe, birentzako mendi dendekin (ikusi Alojamenduaren atala baldintza orrian), Makgadikgadi Pans P.N.an (2 gau) eta Moremiko Erreserba Naturalean eta Chobe Parke Nazionalean zeharreko ibilbidean (4 gau).
- Pentsio osoa bidaiaren 3., 4., 7., 8., 9., eta 10. egunetan.
- Kanpatzeko eta sukaldeko gaiak eta sukaldaria.
- Botswanako kanpin, parke eta erreserbetarako sarrerak.
- Mokoro ontzia Okavangoko deltan zeharreko ibilbidean eta txalupa Chobe ibaian zeharrekoan.
- Bidaiako asistentzia- asegurua.
- Gidari/txoferra eta sukaldaria Botswanako parke nazionaletako ibilbidean.
- Eskupekoak* (ikus oharra baldintza- orrian).
- Banoako gidaria.
Preziotik Kanpo
- Edariak.
- “Prezioaren barruan” atalean aipatuta ez dauden otorduak.
- Aire- tasak.
- Baldintza- orrian zehaztu gabeko eskupekoak.
- “Prezioaren barruan” atalean zehaztu ez den beste edozein kontzeptu.
Iraupena : 15 egun
Taldea: 8 eta 11 pertsona artekoa + gidaria.
Egunak: ekainaren 15etik 29ra.
Irteerak: BIO, MAD eta BCN.
Prezioa : 3.790 € + aire tasak*
*Kontsultatu tasak gure bulegoetan.
Klikatu mapan, mapa handitzeko
