- Castellano
- Català
- Euskara
- BARCELONA 93 318 96 00
- BILBAO 94 435 51 19
Vanuatu
Sua eta tradizioa Melanesiako bihotzean
Vanuatu
Sua eta tradizioa Melanesiako bihotzean
Vanuatu –"Gure Lurra" bislama hizkuntzan– gugandik hamazortzi mila kilometrora dagoen herrialdea da. Urrun dago, gugandik oso urrun. Eta sentsazio hori areagotu egiten da hegoaldeko Pazifikoko herrialde horretan bizi direnek, “ni-vanuatu” etniakoek, beren tradizio zaharrei eusteko ahaleginetan nortasunari eta eguneroko bizimoduari eutsi dietela ikusten dugunean.
Historikoko “Hebrida Berriak” izenaz ere ezagutuak, Melanesiako artxipelagoa osatzen duten sumendi jatorriko laurogeita hiru uharte hauek bisitari ugari jaso dituzte historian zehar (Pedro Fernández Quiros, Bouganvilleko kondea, James Cook…) baina inork ere ezin izan ditu mendean hartu. Gaur egun ere hainbat altxor gordetzen dituzte: paisaia paregabeak, natur ikuskizun harrigarriak, herrixka zoragarriak…
Efateko ur gardenetatik dortoken eta dugongo etniako bizilagunen herrialdea den Epi uhartera joango gara, uharteetako nekazaritza giroarekin eta bizimodu tradizionalarekin harremanetan hasteko. Ondoren, magia beltzeko eta magé sozietatearen uhartea den Ambrym uhartera joango gara, bi eguneko trekkinga egiteko oihanean zehar: Mount Marum, irakiten dagoen magma erakusten digun kraterraren ikuskizun ederra eskaintzen diguna, bakarrenetakoa munduan. Sumendiak atzean utzi eta Pentecostes uhartera joango gara, uharteko nakamale-etako batean lasai-lasai egotera eta, bertako buruen nahitaezko baimena lortu ondoren, ni-vanuatu etniaren kastom village bateko bizimodu tradizionalaz gozatzera.
Espiritu Santo uhartea Bigarren Mundu Gerratearen ondarearen lekuko bizia da. Hemen, baso tropikalean sartuko gara, historian atzera eramango gaituzten herrixka edo komunitateen bila, txerrien hortzek biziari beste balio bat ematen zioten garaietara. Eta uharteetako ibilbidean hareazko hondartza zuriak eta igerileku naturalak eskaintzen dizkiguten paraje zoragarriak aurkituko ditugu.
Lur dardarti eta opari honetan, sua eta desagertzeko arriskuari aurre egiten dioten tradizioak dira nagusi. Guk ibilbide bizi eta gogor bat eskaintzen dizugu, maila guztietan, herrialde honetan azpiegiturak urriak direnez gero, batzuetan aparteko ahaleginak egin behar izaten direlako urruti dauden tokietaraino iristeko, baina uharteetako biztanleen izaera abegitsu eta zabalak eta paisaien eta naturaren kontrasteek aurrera egiteko indarra emango digute.
Oharra: Bilboko irteera bezperan egingo da.
Interesguneak
• Port Vilako azoka koloretsua • Chief’s Nakamal eta Museo Nazionala • Paopakoa Mendiko ikuspegi ederrak • Melvert-eko nekazaritza giroko kutsua eta bertako ur-beroko igerilekua • Marum eta Bebow sumendietako galdarainoko oihaneko trekkinga • Marum Mendiko sumendi biziko kraterra • Ranon herria • Ambryn iparreko mage sozietatea • Olal eta Harimaleko nasare deiturikoak • Pangi dorreak eta bertako itsas hondoa • Bunlap herri tradizionala • Million Dollar Point • Tavunbotari, Marakai eta Jaramajako bizimodu tradizionala • Lonnoc Beach, Champagne Beach eta Port Orlyko paradisuzko hondartzak.
Ibilbidea
Port Vilarainoko hegaldia –Port Badia–Havannah –Craig Cove –Melvert –Ambrym Galdara –Marum mendia –Ranon –Olal –Harimal –Pangi –Lonorore –Ranwas –Bunlap –Luganville –Tavunbotari –Marakai –Lonnoc Beach –Port Orly–Port Vila–Sydney.
Zenbait datu interesgarri
Herrialde honen azpiegiturak ez dira oso handiak, beraz bidaiarien jarrera baikorra eta pazientzia ezinbestekoak izango dira ibilbide osoan zehar. Ibilbide osoan behin baino gehiagotan egin behar izango ditugu oinezko ibilbideak, horixe baita uharteetako barnealdeko tokirik interesgarrienetara iristeko era bakarra. Hiru trekking txiki egingo ditugu: bi egun eta erdikoa, bi egunekoa eta lau egunekoa, hurrenez hurren. Bestetik, Port Vila eta Luganvilleko bisitetan, autobus pribatu txikiak eta kamionetak erabili ditugu, eta Epi, Ambrym eta Pentecostes uharteetan taldea eta ekipajea garraiatzeko kamioi txikiak eta motordun txalupak, eta Port Vila-Lamen Bay eta Lonorore-Luganville hegaldietarako bi hegazkin txiki. Bi hiri nagusietatik kanpo ez dago hotel eta garraiobide handirik, eta horrek bidaia beste era batera egitera behartuko gaitu: tarte batzuk oinez egin beharko ditugu eta osatu xumeetan egin beharko dugu lo. Beraz, ekipaje arinak eramatea eta fisikoki sasoi onean egotea gomendatzen dizugu. Ibilbidean turismo-bideetatik kanpo, oso urruti eta nahiko bakartuak dauden tokietara iritsiko gara, besteak beste, Marum Mendira edo Bunlap eta Marakai herrixka tradizionaletara, eta oihan sakonak, labazko ibaiak zeharkatu beharko ditugu, beti itsasoz inguratuta. Ibilbide gogorra, klima bero eta tropikalarekin. Banoako gidaria.
Prezioaren Barruan
- Port Vilarainoko joan- etorria, hegaldi erregularrean.
- Barruko hiru hegaldi: Port Vila- Lamen Bay, Lonorore- Luganville eta Luganville Port Vila.
- Aireportu eta hotelen arteko joan- etorriak.
- Efate eta Espiritu Santo uharteetako bisitaldietarako autobus pribatu txikiko eta kamionetetako garraioa.
- Ambrym eta Pentecostes uharteetan, 4x4 motako kamioneta, unean- uneko baliabideen arabera.
- Epi, Ambrym eta Pentecostes uharteen arteko motordun txalupak.
- Sidney, Port Vila eta Luganvillen, turista- mailako hoteletako egonaldia (lo egitea eta gosaria).
- Lamen Bay, Melvert, Ranon, Olal eta Pangin, oinarrizko aterpetxe edo bungalowetan lo egitea (konpartitzeko bainugelekin).
- Espiritu Santo uharteko Maraki trekkingeko Tavunbotari, Marakai eta Jaramajan, bertako etxe tradizionaletan (“nakamala”k) izango dugu ostatu.
- Lonnoc Beach- en, bungalowak (lo egitea eta gosaria).
- Pentsio osoa Marum eta Benboweko sumendietako trekkingean eta Marakaiko trekkingean.
- Marum eta Benbow sumendietako trekkingeko eta Marakaiko trekkingeko pentsio osoa.
- Bertako gidariak Ambryngo sumendietako trekkingean eta Espiritu Santoko Marakaiko trekkingean.
- Ambrym sumendietako galderaren inguruan, gauean kanpatzeko materiala (lozakua izan ezik).
- Bidaiako asistentzia- asegurua.
- Banoako gidaria.
Preziotik Kanpo
- Otorduak, zehaztutakoak izan ezik.
- Museo eta kastom fees- etarako sarrerak (lur pribatuetako tarifak).
- Aire- tasak.
- Eskupekoak eta “Prezioaren barruan” atalean sartuta ez dauden gainerako guztiak
Taldea: 6 eta 12 pertsona artekoa + gidaria.
Irteerak: BIO, MAD eta BCNtik, urr. 4an.
Prezioa : 4.350€ + aire tasak*
*Kontsultatu tasak gure bulegoetan.
Klikatu mapan, mapa handitzeko
