Goiko Atlaseko trekkinga.
Oinez M'goun bailaran eta Tubkalerako
(4.167 m) igoera

Maroko

Atlas Handiko mendikatea Afrikako iparraldeko mendikaterik handiena da.
    Atlantikoaren ondoko Agadir herrian hasi eta Marokon zehar luzatzen da, Aljeriako mugaraino, ekialdean, eta 650 kilometroko luzera gainditzen du. Mendikate horretako gailurrik handienak, 4.000 metrotik gorakoak, Alpeetako gailurrekin konpara daitezke, Afrikako iparraldeko handienak dira eta Pirinioetakoak baino askoz handiagoak. Ikaragarrizko edertasuneko eskualdea. Adobezko herrixkak, paisaiarekin bat egiten dutenak, eta arroila eta mendi-zintzur malkartsuen artean jaisten diren errekak. Herri gutxi izango dira berbereen antzera beren kultura eta nortasun propio eta bereziari hain ongi eusten dietenak. Hamar eguneko trekking honetan bi alde ezberdin ezagutuko ditugu, oinez. Lehenengo, Mgoun bailaran ibiliko gara, edertasun handikoa eta bisitari gutxi hartu ohi dituena. Bailara horretan, aklimatatzeko, Atlaseko bigarren gailurrik altuena den Mgoun gailurrera (4.068 m) igotzeko asmoa dugu.
    Bigarren zatian, Tubkal (4.167 m) mendiaren oinetarako hurbilduko gara, gailurreraino igotzeko asmoz, baina gailurreraino zuzenean jo beharrean, aurretik hegaletan ibiliko gara, mendi handi honen edertasunaz gehiago gozatzeko. 
    Ibilbide honek erakargarritasun ugari ditu. 4.000 metrotik gorako bi gailurretara igotzeko aukera emateaz gain, altuera handiko paisaia ezin ederragoak gertutik ikusi eta arroila eta bailara ikusgarrietan zehar ibiliko gara.