- Castellano
- Català
- Euskara
- BARCELONA 93 318 96 00
- BILBAO 94 435 51 19
Txad Ennedi
Sahararen bihotzerainoko bidaia
Ennediko lautada
Ennediko lautada
Txad Ennedi
Sahararen bihotzerainoko bidaia
Ennediko lautada
Ennediko lautada
Ennediko lautada: Txadeko ipar-ekialdean, Saharako txoko ezezagun baten erdian, oso bakartua, baina guztiz ikusgarria.
Itsasoaren mailatik 1.000 m-tik gora dagoen lautada hau hareaz inguratuta dago alde guztietatik. Historiaurretik hona ia ukitu gabe dauden hainbat altxor eskaintzen dizkigu bere hainbat txoko ikusgarritan: haitzuloetako artelan zoragarriak, arroila sakonak, putzuak... Baita ere hareazko dunak, oasi freskoak, harkaitzetan landutako harrizko arkuak... Iparralderago, ur gazi eta gozoko hainbat urmael eta laku bisitatuko ditugu, urrutiko Ounianga Kebir zabalera iristeko.
Zoritxarrez joan den mendearen 40ko hamarkadan ikusi zen azken aldiz Saharako lehoia Archeiko putzuan Dena den, karabanetako gameluak edatera hurbiltzen diren putzu hau da “Niloko krokodiloaren” azken bizilekuetako bat, eta narrasti hauek Saharan duten azken koloniatako bat gordetzen du.
Eskualdeko paisaia naturalei gizakien paisaia gehitu behar zaie. Bertan bizi dira tubu etniako gizon eta emakume gogorrak, seguruen lurralde horretako muturreko bizi-baldintzetan bizi eta irauteko gai diren gizakume bakarrak.
Zalantzarik gabe, bidaia zoragarri honek aparteko zaporea utziko du bidaiariaren baitan, Saharan egin daitekeen ibilbiderik onenetakoa eta osatuenetakoa baita.
Ibilbidea
Djamenarainoko hegaldia –Mongo–Abeche–Kalait–Terkei–Deli–Tokou–Archei–Bachikele –Bashike –Abaike –Fada –Way–Mourdi–Demi–Teguedet–Ounianga Serir–Ounianga Kebir–Edike–Benbeche–Faya–Erg Djourab –Kouba–Salal –Moussoro–Djamena.
Zenbait datu interesgarri
Ibilbide guztia 4X4 ibilgailuetan egingo dugu. 16 gautan dendak jarriko ditugu basamortuan, gaua emateko (pentsio osoan). Egia esan bidaia honi ezin zaio bete-betean bidaia deitu, azpiegiturarik ez duen urrutiko herrialde bateko eskualde batera egindako abentura handi baten itxura osoa baitu, eta ibilbidean irauteko gauza guztiak gurekin eraman beharko ditugu, nahitaez.
Ennedi izeneko eskualdean ibilbide batzuk egingo ditugu oinez, inguru horien edertasunaz beste modu batera gozatzeko.
Ibilbide honetan ezustekoen kopurua eta maila handiak izan daitezke, hortaz gomendagarria da era horretako bidaietan esperientzia edukitzea eta, jakina, gerta daitezkeen ezustekoei aurre egiteko adorea. Banoako gidaria.
Prezioaren Barruan
- Djamenarainoko nazioarteko hegaldia, joan- etorria.
- Txaden sartzeko bisa.
- Aireportu eta hotelen arteko joan- etorri guztiak.
- Djamenan turista motako hoteleko egonaldia (lo egitea eta gosaria).
- Ibilbide guztiko garraioa, lur mota guztietarako ibilgailuetan.
- Kanpalekuetako 15 gau (pentsio osoa).
- Sukaldeko eta kanpatzeko material guztia (lo- zakua izan ezik).
- Zirkulaziorako eta kanpatzeko baimen guztiak.
- Tubu etniako bertako gidaria.
- Banoako gidaria.
Preziotik Kanpo
- “Prezioaren barruan” atalean zehaztuta ez dauden otorduak.
- Herrixka, azoka- areto, museo eta monumentuetarako sarrerak.
- Aire- tasak.
- Eskupekoak eta “Prezioaren barruan” atalean sartuta ez dauden gainerako guztiak.
Taldea: 6 eta 16 pertsona artekoa + gidaria.
Irteerak: MAD eta BCNtik, aza. 4an/aben. 18an.
Prezioa : 3.380 € + aire tasak*
*Kontsultatu tasak gure bulegoetan.
Klikatu mapan, mapa handitzeko
