- Castellano
- Català
- Euskara
- BARCELONA 93 318 96 00
- BILBAO 94 435 51 19
Karabanen ibilbidea
Uzbekistan, Turkmenistan, Iran eta Azerbaijan
Karabanen ibilbidea
Uzbekistan, Turkmenistan, Iran eta Azerbaijan
Banoan betidanik erakarri izan gaitu antzina karabanek –jakituria, merkataritzako gaiak eta sinesmenak ekarriz– Asiatik Mediterraneoraino jarraitu ohi zituzten bideetan barrena ibiltzeak.
Antzinako Zetaren Bideak ukitzen zituen hiri handiak, Turkmenistango basamortuetako paisaiak, Irango mendiak eta Kaspiar itsasoko kostaldea lotu nahi izan ditugu oraingoan, gamelu gainean bidaiatzen zuten karabanei atsedena eman ohi zieten tokien inguruko ibilbidean: gotorlekuak, merkatuak, tenpluak... bide zaharreko beste hainbat oroitzapen.
Ulugbek, Khayyam, Tamerlan edo Avicena bizi izan ziren lurrak bisitatzea, errealitate ezberdinetako herriak gertutik ezagutzeko aitzakia baino ez da: Uzbekistango kotoi-soroetatik haizeen hiria deitu izan zaion Bakuraino, eta bertako petrolio-eremuak bisitatzeko, edota antzinako Pertsiaren aztarna kultural eta erlijiosoak ikusteko. Herri horiek guztiak kultur tradizio zaharrak globalizazioaren garaiko erronka berriekin uztartu nahian dabiltza.
Interesguneak
• Samarkanda: Tamerlanen hiri mitikoa • Pertsepolis eta Naqsh-e-Rostamen mausoleoak: Persiako Inperioaren distira • Ashgabad hiria: edertasunaren distira nabarmena • Reza Mashad imanak martirioa jasan zuen hiria: Mashad, Irango xiiten hiri sakratua • Isfahan: azokak, lorategiak, meskitak, zubiak, tea hartzeko tokiak... munduaren erdi-erdian • Bukhara eta Khiva: Erdiko Asiako kultur eta erlijio bihotza 2.500 urtez. • Yazd hiri zaharreko kale estuak • Teherango anabasa eta ezkutuko edertasuna • Ardabilgo Sheikh Safi-al-Din-en mausoleoa • Qobustan: petroglifoak.• Baku hiria eta bertako Goz Qalasi dorre misteriotsua
Ibilbidea
Tashkenterainoko hegaldia – Samarkanda –Bukhara – Khiva – Ashgabad –Mashad –Shiraz –Yazd –Isfahan -Abianeh – Teheran –Ardabil –Baku.
Zenbait datu interesgarri
Ibilbide guztian autobus txiki bat izango dugu garraiobide. Hotel eta ostatuetan egingo dugu lo. Barruko hegaldiak: Dashoguz-Ashgabat, Mashad-Shiraz eta Teheran-Ardabil. Ibilbidearen ezaugarriak kontuan hartuta, ezinbestekoa izango da bidaiariek bidaiaren zereginetan parte hartzea eta taldean aurrera egiteko gogoa agertzea. Interesatuta egonez gero, ez utzi izen-ematea azken ordurako: bisatuak denboraz tramitatu behar dira eta. Banoako gidaria.
Prezioaren Barruan
- Turkish Airlines konpainiaren hegaldi erregularra, haranzkoan Tashkentera eta itzulera Bakutik.
- Barruko hegaldiak: Dashoguz- Ashgabat, Mashad- Shiraz eta Teheran- Ardabil.
- Uzbekistan, Turkmenistan, Iran eta Azerbaijanen sartzeko bisatuak.
- Aireportu eta hotelen arteko joan- etorriak.
- Taldearentzako autobus txikia (aire girotua).
- Ibilbide guztian turista mailako hoteletan hartutako osatua (lo eta gosaria), birentzako geletan.
- Uzbekistango monumentu nagusietako sarrerak eta tokian tokiko gidariak.
- Uzbekistan, Turkmenistan eta Irango tokiko gidaria.
- Bidaiako asistentzia- asegurua.
- Banoako gidaria.
Preziotik Kanpo
- Otorduak, “Prezioaren barruan” atalean aipatutakoak izan ezik.
- Zehaztu ez diren museo eta monumentuetarako sarrerak eta joan- etorriak.
- Aire- tasak.
- Eskupekoak eta “Prezioaren barruan” atalean sartuta ez dauden gainerako guztiak.
Taldea: 8 eta 16 pertsona artekoa + gidaria.
Irteerak: MAD eta BCNtik, urr. 2an.
Oharra : kontsultatu Bilbotik egon daitezkeen irteerak eta Bilborako itzulerak.
Prezioa : 3.675 € + aire tasak*
*Kontsultatu tasak gure bulegoetan.
Klikatu mapan, mapa handitzeko
