Aljeriako iparraldea

Antzinako Numidian zehar
Mediterraneoaren bestaldean

Zorionez, Aljeriak bizi izan dituen urte istilutsu gogorrak atzean geratu dira eta orain Aljeriako iparraldera bidaiatu eta iparralde osoa, Saharatik Mediterraneoraino doan lurraldea, bisitatzeko aukera daukagu, lasai eta arazorik gabe. Lurralde horretan mendetan zehar hainbat herri eta kultura sortu eta bizi izan dira, feniziarrak, besteak beste.

Bi mila urte inguru dira erromatarrak jabetu zirela lurralde horrek nekazaritzarako eta, oro har, bizitzarako zituen ezaugarri klimatiko eta geografiko egokiez, eta urte askoan bertan izan ziren eta hainbat aztarna utzi zituzten, Tipasa, Timgad edo Djemila hiriak, esaterako, Gizartearen Ondare izendatutakoak, eta orain lasai-lasai bisita ditzakegunak.

Erromatarrek utzitako aztarna interesgarri horiek ikusteko aukeraz gain, garatze-bidean dagoen Aljer ikusgarria eta bertako kasbah bisitatuko ditugu, azken hori bere labirinto-itxurako kalezuloekin, Gizateriaren Ondare izendatua izan delarik.

Eta Mediterraneoko kostaldeaz gain, Konstantina hiria ere ezagutuko dugu “zubi esekien hiria”, zalantzarik gabe hiri atsegina eta ikusgarria.

Aljeriarrak ere bisitariak jaso eta herrialdearen izena nazioarte mailan normaltzeko gogo biziz daude, eta ziur egon besoak zabalik hartuko gaituztela.

Oharra: Aljerian sartzeko bisatua denboraz tramitatu behar da: kontuan hartu hori eta, etorri nahi baduzu, denboraz lotu bidaia hau.